COMENZAMOS O TERCEIRO TRIMESTRE

Seguindo as recomendacións da Consellería de Educación e á espera de instruccións máis concretas, o terceiro trimestre adicarémolo a repasar e reforzar todo o aprendido ata o momento. Isto é algo que solemos facer cada ano, ao chegar o mes de xuño, pero neste final de curso "especial" que nos está tocando vivir, imos adiantalo ao mes de abril. Seguro que vai ser de proveito se todos participamos nas tarefas propostas.

Pola miña parte, tratarei de presentar actividades lúdicas e baseadas en aspectos xa vistos na aula, polo que vos vai resultar moi fácil. O ensino dunha lingua inclúe varias destrezas: escoitar, comprender, ler, escribir, falar polo que faremos actividades variadas, onde primará o audiovisual,  para tratar de avanzar en todos estes aspectos (listening, reading, writing, speaking)

En canto ao envío de traballos, reduciranse ao mínimo e ofrecereranse mecanismos de autocorrección ou actividades on line. O e-mail estará igualmente á vosa disposición para dúbidas ou o envío voluntario de calquera tarefa, fotos, videos, ....

Pídovos ás familias que se existen circunstancias particulares que vos impidan seguir as ensinanzas por este método a distancia, mo fagades sabes a través do e-mail costa@edu.xunta.es, para buscar algunha solución e que os vosos fillos non queden descolgados do ensino. É moi difícil programar adecuadamente actividades para 68 alumnos de distintos niveis sen coñecer as circunstancias de cada un.

Así que a primeira tarefa do trimestre será que TODOS me enviedes un e-mail de saúdo; por favor, co voso NOME E CURSO NO ASUNTO e un par de frases de información das vosas situacións persoais en canto as posibilidades de seguimento das clases. Se pode ser, facedeo antes do luns para poder comenzar coas actividades.

Exemplo:

Para: costa@edu.xunta.es
Asunto: Hello! Pepito Pérez- 4º curso.


- Bo día, na casa non temos internet, polo que nos é imposible seguir as clases.
- Non temos ordenador.
- Non temos ningún problema en seguir as tarefas a través do blog e envialas ao e-mail.
- Podemos contestar dende o móbil pero non sei como enviar as tarefas...
ou calquera outra dúbida, suxerencia, preocupación,...que vos parezca importante.

A partir desta información irei contestando un a un, para poder atender de forma individualizada a cada alumno do mellor xeito posible.

Tamén preciso que me confirmedes que todos tedes os dous discos que acompañaban os libros de texto: "stories and songs" e "CD-ROM " de xogos interactivos, pois serán moi útiles nesta situación, xa que as carpetas de inglés quedaron na clase.

Un saúdo.
Begoña.